Protozoen

Protozoe si Lääbewääse, wo vili Arte von ene in Süesswasser, Salzwasser und im Bode lääbe. Im Bild isch e Schalenamöbe vo dr Gattig *Euglypha*. Dr Zällkärn isch e chli linggs vo dr Middi vom Bild.

Protozoe (Äizaal Protozoon; griech. πρωτόζωον protózoon‚ s erste Dier‘, vo πρώτο próto ‚ersts‘ und ζώον zóon ‚Lääbewääse‘, Dier‘) oder Urdier bzw. Urdierli isch e veralteti Bezäichnig für öikaryotischi Äizäller, wo wägen iirer Lääbenswiis, wo mäistens heterotrof isch, und wäge iirer Mobilidäät as dierisch aagluegt wärde. Dr Karl Grell definiert sä as Öikariote (mit äim oder meerere Zällkärn), wo als Äinzelzälle lääbe oder koloniali Verbänd bilde.

Wie au d Protiste, wo si zuen e ghööre, si au d Protozoe hüte kä Taxon mee.

D Protozoologii isch e Däilgebiet vo dr Protistologii und ghöört hützudags zur Mikrobiologii.